ويجز وشيكابالا يتصدران تريندات السوشيال ميديا خلال الساعات الأخيرة

تصدر ويجز وشيكابالا تريندات السوشيال ميديا خلال الساعات الأخيرة، وذلك لأسباب تنوعت بين دعم فلسـ طين والفوز بالكونفدرالية.

ويجز يتصدر التريند
وتصدر ويجز تريندات جوجل والسوشيال ميديا بسبب رفضه إعلان لشركة بيبسي تضامنًا مع أهالي رفح، وهو ما أدى لهجوم الشاعر خالد تاج الدين عليه بعد تداول أخبار رفضه تصوير الإعلان.
هجوم خالد تاج الدين
حيث قال تاج الدين عبر صفحته على فيسبوك : آخر تراك نجح لك كان من 3 سنين وعملت كام واحد بعده محدش سمع عنهم حاجة، تعمل إيه بقى يا واد يا وينجز تعمل إيه؟ اه فكرة، تعمل حملة سوشيال ميديا مدفوعة من صفحات، وتركب تريند القضـ ية عشان ده اللي بيجيب معانا علطول، عشان إحنا شعب عاطفي وبنحب كده.

وأضاف : مع إن محدش من الشركات دي عبرك بقالهم كتير وكلنا عارفين ده، زائد إن سواء النادي الأهلي أو عمرو دياب أو غيرهم دول مؤسسات ماضيين عقود بالملايين وفيها شروط جزائية بالملايين لو متنفذتش في الوقت المحدد ليها، أنا مش بقول متتعاطفش، بس بقول متستغفلناش.

ويجز على إنستجرام
ومن جانبه نشر ويجز على إنستجرام صور القصـ ف على رفح، وفيديو للحرائق التي تشهدها، وكتب : كل العيون على رفح، الأعداء قطـ عوا رأس الأطفال في رفح.
شيكابالا
وتصدر شيكابالا التريند عقب تصريحات تليفزيونية عن فوز الزمالك بالكونفدرالية، وأيضًا التبرع لفلسـ طين، وقال : الكونفدرالية كانت البطولة الأهم بالنسبة لنا في الزمالك في الوقت ده، خاصة مع وجود مجلس إدارة جديد، لأن الزمالك كان بيواجه ضغوطات خارجية كثيرة الفترة اللي فاتت واللقب منحهم بعض الهدوء، كنت متوقع تتويج الزمالك ببطولة الكونفدرالية، من وقت مباراة أرتا سولار، مع إن الفريق كان على وشك الخروج من البطولة.

وعن فلسـ طين أضاف : أطالب بتخصيص أرباح مباراة السوبر الأفريقي بين الأهلي والزمالك لصالح شـ هداء فلسـ طين، خاصة بعد الاعتـ داء والقصـ ف المستمر على قطاع غـ زة، ومخيمات رفح الفلسـ طينية، ودي أقل حاجة ممكن ندعمهم بها.