هجوم حاد من عدوية شعبان عبد الرحيم على رضا البحراوي
هاجم الفنان عدوية نجل الفنان الراحل شعبان عبد الرحيم، المطرب الشعبي رضا البحراوي، إذ كشف عن تفاصيل خلافهما، وذلك بعد غناء الأخير لأغنية 'صغير أنا' في عدد من الحفلات، ووجه عدوية تحذير لرضا يمنعه من غناء هذه الأغنية.
ونشر عدوية شعبان عبد الرحيم، مقطع فيديو عبر حسابه الشخصي بمواقع التواصل الاجتماعي، أعرب من خلاله عن استيائه من غناء رضا البحراوي أغنيته، قائلًا: «عايز أقول لكل الناس إن أغنية صغير أنا، اللي رضا البحراوي بيقدمها بقاله 5 أيام، دي بتاعتي ومن ألحاني، وكلمات إسلام خليل».
عدوية: الأغنية بتاعت أبويا بقالها 20 سنة
وأضاف عدوية شعبان عبد الرحيم: «رضا البحراوي اتصل بيا واستأذني وقالي عايز أغني الأغنية دي في الأفراح وافقت، ولما لقيته كل يوم بيغنيها مش بيعمل حاجة في حياته غير يغني الأغنية بتاعتي ويستغلها، فطلبت منه ييجي نسجلها مع بعض لكن رفض، وقالي الأغنية دي اتهرست وهو اللي هرسها، وهي بتاعت أبويا بقالها 20 سنة، ولكن أنا زودت عليها حاجة، وموجودة بصوتي على اليوتيوب».
واستكمل عدوية عبد الرحيم حديثه قائلًا: «بقول لرضا ملوش دعوة بأغنيتي وميغنهاش تاني، أنا بقى أجيب عمرو سلامة أو الجن الأزرق وأي عفريت يغني معايا أنا حر، محدش يدخل في الموضوع ده وأنا مش هقف جنب حد ملوش خير في حد».
