أنوشكا: رفعت قضية على صاحب كلب وأخذت 50 ألف جنيه تعويض

قالت الفنانة أنوشكا، إن مسلسل "جراند أوتيل"، من أفضل الأعمال التي قدمتها وكان علامة مميزة في مشوارها الفني، ثم يليله مسلسل “حلاوة الدنيا”.

وأضافت أنوشكا، خلال مداخلة هاتفية في برنامج "تفاصيل"، مع الإعلامية نهال طايل، قائلة: "مكنتش خايفة لما قدمت دور أم هندي صبري في مسلسل "حلاة الدنيا والدور كان تحدي كبير بالنسبة ليا، لأن فرق السن اللي بينا مكانش كبير، وهند عملت مجهود وأنا كمان عملت مجهود ورجاء الجداوي الله يرحمها كانت عامله زي رمانة الميزان وربنا كان كارمنا".

رفعت قضية على كلب

وتابعت الفنانة أنوشكا، عن قصة فوزها بقضية تعود لعام 2021، عندما قام "كلب" بعض كلبها، موضحة أن المحكمة حكمت لصالحها بمبلغ 50 ألف جنيه.

واستكملت: "كان في قضية فعلا وكسبت القضية واتحكم على صاحب الكلب بـ 50 ألف جنيه لأن اقتناء حيوان معناه أنك بتقتني روح والروح دي ليها عقل بيفكر وفي أصول ومينفعش أنه يمشي في الشارع بدون ما يربط الكلب بتاعه".

عملت كده احتراماً للكلب

واختتمت: "رفعت قضية احتراماً للكلب وحصل هجوم عليا وتداركنا الموقف والقضاء حكم عليه بالغرامة ومينفعش اللي يقتني كلب يرعب بيه حد تاني أو يسيبه ممكن يتخطف أو يهاجم حد".