رنا سماحة تكشف عن خضوعها لعملية جراحية
كشفت المطربة رنا سماحة عبر حسابها بموقع «فيسبوك» خضوعها لعملية جراحية بعد الأزمة الصحية التي أصابتها مؤخرًا.
وكتبت رنا سماحة: «الفترة اللي فاتت تعرضت لأزمة صحية وعملت عملية بسيطة، دون الدخول في التفاصيل الحمد لله دلوقتي أنا أحسن وبخير بعتذر عن أي شغل تأجل الفترة دي بسببي».
وأضافت: «بشكر كل اللي كلمني أو بعتلي على كل وسائل التواصل عشان يتطمن عليا الحمد لله أنا بخير دلوقتي وزي الفل، بعتذر لكل اللي مقدرتش أرد عليه وكمان بشكر وبعتذر لكل الصحفيين اللي كلموني، كتر خيركم ولكن أنا مش حابة أصرح عن شيء».
واختتمت: «شكرًا لكل جمهوري حبايبي أنا كويسة وراجعالكم بطاقة جديدة نستكمل الشغل والنجاحات بإذن الله، شكرًا دكتوري الشاطر رجل المهام الصعبة».
رنا سماحة تتعرض لوعكة صحية
وشاركت رنا سماحة جمهورها مؤخرًا عبر «ستوري» موقع تبادل الفيديوهات والصور «إنستجرام»، صورة لها من المستشفى، وهي تضع كانيولا ومحاليل، معلقة: «اللهم لك الحمد أنا بخير الحمدلله شكرًا لكل اللي كان معايا إمبارح أو كلمني أو بعتلي كتر خيركم، اتطمنوا أنا بخير الحمدلله».
